ПетроKазахстан : Бизнес-бөлімшелер : Өндіруші бөлімше : Кен орындарын дамыту
Казакша

Іздеу
БАЙЛАНЫС ДЕРЕКТЕРІ


Кен орындарын дамыту

"ПетроҚазақстан" компаниясы әрқашан мұнай өндіруді кен орындарының коммерциялық тұрғыдан құнды жаңа ашылымдарымен алмастыруға тырысып келеді. Осы негізде компания Оңтүстік Торғай бассейнінде операцияларды жүзеге асыратын бірегей ірі мұнай кәсіпорны ретінде барлау бағдарламасын тұрақты жүзеге асыруда. Кәсіпорын өңірдің әлеуетін барынша толық іске асыру үшін осы бағдарламаны жалғастыруды міндетіне алған.



Қазіргі уақытта «ПҚҚР» компаниясында Құмкөл (оңтүстік-шығыс бөлігі), Құмкөл Оңтүстік, Шығыс Құмкөл, Солтүстік Нұралы, Қызылқия, Арысқұм, Майбұлақ, Оңтүстік-Батыс Қарабұлақ кеніштерінен көмірсутек шикізатын өндіруге жасалған сегіз келісімшарт және Құмкөл кенішіне іргелес аумақтан (№214) және Қарағанды облысындағы №1928 барлау алаңынан  (Қарабұлақ, Солтүстік Қарабұлақ, Бұқарсай) көмірсутек шикізатын барлауға жасалған екі келісімшарт бар. Сондай-ақ компания тиісті материалдық базаны, кәсіби біліктілікті, дағдыларды, жұмыс күшін және басқа да барлық қажетті құралдарды иемдене отырып, бөгде ұйымдарға өндіру және барлау жүргізу, соның ішінде «Көлжан» ЖШС-ға Солтүстік-Батыс Қызылқия кенішінде мұнай өндіру және Тұзкөл, Батыс Тұзкөл, Жаңбыршы, Тасқұдық, Кетеқазған Солтүстік ьарлау алаңдарынан көмірсутек шикізатын барлау, «ПҚВИ» компаниясына Оңтүстік-Шығыс Досжан, Досжан, Оңтүстік Досжан және Жамансу барлау алаңдарынан көмірсутек шикізатын барлау бойынша қызмет көрсетуде.



Бүгінгі таңда компания Батыс Тұзкөл, Қарабұлақ, Оңтүстік-Шығыс Досжан, Досжан, Оңтүстік Досжан, Кетеқазған Солтүстік кеніштерін сынамалы пайдалануда. Сынамалы пайдаланудың мақсаты – әрі қарай қорларды есептеу және кен орындарын өнеркәсіптік игеруге қосу үшін шоғырлардың геологиялық-физикалық сипаттамасы, ұңғымалардың өнімділігі туралы қосымша ақпарат алу, өнімді горизонттардың өндіру мүмкіндіктерін бағалау және анықтау.