ПетроKазахстан : Бизнес-бөлімшелер : Қайта өңдеуші бөлімше : Жаңарту
Казакша

Іздеу
БАЙЛАНЫС ДЕРЕКТЕРІ


Жаңарту

«ПетроКазахстан Ойл Продактс» ЖШС – мұнай өңдеу зауыты. Ол Оңтүстік Қазақстан облысында орналасқан.  1985 жылы салынған зауыт Қазақстанның үш МӨЗ бірі болып табылады. 


"ПетроКазахстан Ойл Продактс" ЖШС отандық мұнай өңдеу зауыттарының дамуын айқындайтын Қазақстан Республикасын индустриялық-инновациялық дамытудың Мемлекеттік Бағдарламасына сәйкес ауқымды «Шымкент МӨЗ жаңғырту және қайта құрастыру» Жобасын жүзеге асыруда. 


Жобаны жүзеге асырудан болатын артықшылықтар: импорталмастыру және ҚР ішкі нарығын жеңіл мұнай өнімдерімен қамтамасыз ету мақсатында жеңіл мұнай өнімдерін шығаруды ұлғайту үшін қуаттарды арттыру, Шымкентте жаңа жұмыс орындарын құру және өндірістің экологиялық қауіпсіздігін одан әрі жақсарту. 


Жобаны жүзеге асыру жұмыстары 2011 жылы басталды және де осы Жобаны 2018 жылдың қыркүйегінде аяқтау көзделіп отыр. Жобаның негізгі мақсаты - зауыттың жұмыс істеу деңгейін мұнай өңдеу зауыттарының қызметіне қатысты заманауи әлемдік стандарттарға жауап беретін деңгейге жеткізу. Міндеттер бірнеше:


- мұнай өңдеу бойынша жобалық қуатты қалпына келтіру, яғни жылына 5,25-тен 6 млн. тоннаға дейін жеткізу;

- мұнайды өңдеу тереңдігін ұлғайту;

- Кеден одағының Техникалық регламентінің талаптарына сәйкес  К-4, К-5 экологиялық класындағы моторлық отындарды шығару сапасын жақсарту;

- атмосфераға зиянды шығарындылардың тасталуын төмендету.


Жоба 2 кезеңмен жүзеге асырылады: 


1 кезең - Кеден одағының Техникалық регламентінің талаптарына сәйкес  К-4, К-5 экологиялық класындағы моторлық отындарды шығаруды қамтамасыз ету үшін әрекеттегі  технологиялық қондырғылар мен ЖЗШ объектілерін қайта құрастыру және жаңаларын салу.  


Бірінші кезеңнің жобалары: 


- дизель отынын гидротазалау (ДО ГТ) қондырғысын қайта құрастыру;

- күкірт өндіру қондырғысының құрылысы; 

- изомерлеу қондырғысының құрылысы.


Ағымдағы мәртебесі: 

ДО ГТ қондырғысы - мердігер: «ДО КНИСГ» ЖШС


- объект пайдалануға берілді; 

- К-4, К-5 талаптары бойынша дизотын сапасының көрсеткіштеріне қол жеткізілді;


күкірт өндіру қондырғысы бойынша - мердігерлер: CPE, «Мастер Строй» ЖШС


- объект пайдалануға берілді; 

- техникалық күкірттің қол жеткізілген тазалығы - 99.9 % масс;

изомерлеу қондырғысы және ЖЗШ объектілері бойынша - мердігерлер: Tecnip Italy S.p.a, «КГНТ» ЖШС, «ДО КНИСГ» ЖШС:

- объектілер пайдалануға берілді; 

- жобалық көрсеткіштерге қол жеткізілді;


2 кезең – 6 млн. тоннаға дейінгі жобалық қуатты қалпына келтіру және өңдеу тереңдігін ұлғайту үшін  әрекеттегі  технологиялық қондырғылар мен ЖЗШ объектілерін қайта құрастыру және жаңаларын салу:


- «RFCC» каталитикалық крекинг;

- «Prime G+» бензинді гидротазалау;

- «Merox» газдарды меркаптансыздандыру;

- Күкірт өндіру, сутекті тазарту және т.б.


Ағымдағы мәртебесі: 


2 кезең 63,1 % пайызға орындалды, іргелі жұмыстар бойынша жабдықтар мен материалдарды жеткізу, құрылыс-монтаждау, құбырларды, металконструкцияларды және жабдықтарды монтаждау жұмыстары жүріп жатыр.


Жобалық қуатты жылына 6 млн. тоннаға дейін көбейткен және өңдеу тереңдігін ұлғайтқан жағдайда 2 Кезең аяқталғаннан кейін мұнай өнімдерін өндіру көлемі ұлғаяды: 


• жоғары октанды бензиндер – жылына 700-ден 2 300 мың тоннаға дейін;

• дизель отыны – жылына  1 300-ден 2 000 мың тоннаға дейін; 

• авиаотын – жылына  280-нен 350 мың тоннаға дейін.