2025 жылғы 17 маусымда CNPC директорлар кеңесінің төрағасы Дай Хоулян мырза «ПетроҚазақстан Ойл Продактс» ЖШС Шымкент мұнай өңдеу зауытының өндірістік қуатын кеңейту жобасы аясында кәсіпорынның өндірістік процестерімен танысты.

Сапар барысында Дай Хоулян мырзаға кәсіпорынның даму кезеңдері мен қол жеткізілген нәтижелер туралы ақпарат ұсынылып, өндірістік нысандарға шолу жасалды. Сондай-ақ болашақта кеңейтілуі жоспарланған аумақтар көрсетілді. Ерекше назар еңбекті қорғау мен саладағы тұрақты өсім мәселелеріне аударылды.

Өндірістік қуатты кеңейту – Қазақстан мен Қытай арасындағы экономикалық ынтымақтастықты нығайтудың стратегиялық маңызды қадамы және мұнай өңдеу саласының әрі қарай дамуына ықпал ететін бастама.