Компанияның қамқорлығындағы №4 Сайрам балалар үйіндегі, №65, №99, №94 мектептердегі және «Химия-биологиялық бағыттағы Назарбаев зияткерлік мектебінің» Шымкент қаласындағы филиалындағы оқу жылы жақсы іс-шаралармен басталды. ПетроҚазақстан компаниясы мектептердің оқушылары мен балалар үйі тәрбиеленушілерінің жан-жақты дамуларына жағдай жасауы үшін қамқорлығындағы мекемелерге қаржылай көмек көрсетті. «ПетроҚазақстан Ойл Продактс» ЖШС-нің қаржылай қолдауының арқасында балалар жаңа ғылыми-техникалық құралдармен жабдықталған кабинеттерде әртүрлі үйірмелер мен секцияларға қатысып, өздерінің ой-өрістері мен шеберліктерін дамыта алады.