Мемлекет басшысының бүкіл ел аумағында «Таза Қазақстан» республикалық экологиялық акциясын өткізу туралы бастамасын «ПетроҚазақстан Ойл Продактс» ЖШС белсенді қолдап, 2025 жылғы 19 сәуірде ауқымды сенбілік өткізді. Сенбілікке кәсіпорынның вице-президенттері бастаған 140 жұмыскері шығып, зауыттан Қарабастау ауылының көпіріне дейінгі жол бойын тазалады.
🍂Сенбілік барысында Сұйытылған газ паркі учаскесі қоқыстардан және қураған бұталардан тазартылды. Сенбілікке шыққан зауыт жұмыскерлері мен «ЮгАвтоТрансСервис» ЖШС-ның жұмыскерлері 10 тоннаға жуық қоқыстарды жинап, шығарды. Сенбілік өткізу туралы бастама кәсіпорын жұмыскерлерінің әлеуметтік жауапкершіліктерінің және өңірдің экологиялық жағдайын жақсартуға үлес қосуға деген ұмтылыстарының жоғары деңгейде екенін көрсетті.

🌳«Таза Қазақстан» акциясы қоршаған ортаны тазалауға ғана емес, сонымен қатар жұртшылықтың назарын экология мәселелеріне аударуға және өскелең ұрпақ үшін үлгі көрсетуге бағытталғанын айтуымыз қажет.
🌱«ПетроҚазақстан Ойл Продактс» ЖШС экологиялық бастамаларға қолдау білдіріп, табиғатқа ұқыпты қарау мәдениетін дамытуға ықпал етіп, қоршағанортаның тазалығын сақтауға өз үлесін қоса беретін болады.
 
🖊️«ПетроҚазақстан Ойл Продактс» ЖШС