2025 жылғы 8 мамырда, Отан қорғаушылар күні мен Ұлы Отан соғысындағы Жеңістің 80 жылдығына орай,«ПҚОП»ЖШС зауытының ардагерлері мен Ұлы Отан соғысының ардагерлерінің жас мамандармен салтанатты кездесуі өтті.
«ПҚОП» ЖШС президенті Б.Т. Ерегенов және«ПҚОП» ЖШС Бірінші вице-президенті Цзян Жиюань жиналғандарды жылы құттықтап, ардагерлерге еліміздің және кәсіпорынның дамуына қосқан баға жетпес үлесі үшін, сондай-ақ Ұлы Отан соғысындағы жеңісі үшін шексіз ризашылығын білдірді.
Ұлы Отан соғысының ардагері Әбдреев Өркен зауыт басшылығына және жастарға көрсетілген құрметпен қолдау үшін алғысын білдірді.
Іс-шара ашық диалог форматында өтті, онда әр буын өкілдері өз ойларымен, өмірлік тәжірибелерімен және оқиғаларымен бөлісті. Кездесу мерекелік концерттік бағдарламамен, ұжымдық суретке түсумен және ардагерлерге арналған салтанатты түскі аспен аяқталды.
