ресми сайт

ҚОРШАҒАН ОРТАНЫ ҚОРҒАУ ЖӨНІНДЕГІ ІС-ШАРАЛАРДЫ ҚАРЖЫЛАНДЫРУ

«ПКОП» ЖШС өзінің өндірістік қызметін ҚР табиғатты қорғау заңнамасының талаптарына сәйкес жүргізеді және қоршаған ортаға әсерін азайту мақсатында тиісті іс-шараларды орындайды. Қоршаған ортаны қорғау жөніндегі іс-шараларды орындауға жыл сайын жұмсайтын шығындары миллиард теңгеден асады.

«ПКОП» ЖШС-да бағдарламаға сәйкес энергия тиімділігін арттыру және энергия үнемдеу жобалары енгізілген. ҚР ЭжТРМ ЭРжБК-мен келісілген, Экологиялық тиімділікті арттыру бағдарламасы бойынша іс-шаралар іске асырылуда (2025-2034 жылдарға арналған экологиялық тиімділікті арттыру бағдарламасы). Компанияның табиғатты қорғау іс-шараларын іске асыруға жұмсайтын қаржысының жыл сайын өсу динамикасы байқалады.

Осы ретте, өндіріс көлемінің өсуіне, мұнай өңдеу көлемінің артуына және жаңғырту жобасы бойынша жаңа нысандардың іске қосылуына қарамастан қоршаған ортаға шығарылатын эмиссиялардың мөлшері көбеймегенін айту қажет. Бұл кәсіпорынның іске қосқан нысандарының «жасыл технологиялар» мен «жасыл экономика» талаптарына сәйкес келуіне байланысты.
Сондай-ақ, кәсіпорында тазалау құрылғыларын жаңғырту жұмыстары аяқталды. Зауыттың тазалау құрылғыларын жаңғырту олардың қуатын жоғарылатуға және ағызынды суларды тазарту сапасын жақсартуға мүмкіндік берді. Кері осмос қондырғысында ағызынды суларды қосымша тазалау жылына 1,5 млн. м3-ге дейін таза суды үнемдеуге мүмкіндік береді. Бұл жерде барлық жабдықтар саңылаусыз орындалғандықтан тазалау құрылғыларынан атмосфераға шығатын ластағыш заттардың шығарындылары 90%-ға дейін азаяды.

ҚР жаңа Су кодексінің талаптарына сәйкес болу, су ресурстарын пайдалану мен қорғаудың тиімділігін арттыру, су қауіпсіздігін қамтамасыз ету мақсатында, сондай-ақ су алуды азайту, суды қайта пайдалануды ұлғайту және ластаушы заттар шығарындыларының көлемін азайту жөніндегі іс-шаралар мен нысаналы көрсеткіштерді айқындау үшін 2035 жылға дейінгі кезеңге арналған су ресурстарын басқару жөніндегі бағдарлама әзірленді.

Бағдарламаның мақсаты 10 жылдық кезең ішінде су алу / су тұтыну көлемін азайту, суды қайта пайдалануды ұлғайту, сондай-ақ ағызынды суларды ағызу көлемін азайту жөніндегі іс-шаралар мен нысаналы көрсеткіштерді белгілеу болып табылады.

Қоршаған ортаға эмиссияға төлем динамикасы, млн. Тг

Есепті кезеңдер ішінде қоршаған ортаға эмиссияға нормативтен асқан төлемдер төленген жағдайы болмаған.
Жыл сайын GRI халықаралық ұйымының талаптарына сәйкес тұрақты даму саласындағы есеп дайындалады. Есеп «ҚазМұнайГаз» ҰК АҚ Еңбекті және қоршаған ортаны қорғау блогының басты кеңсесіне ақпан айында өткен жылдың есепті кезеңіндегі кәсіпорын жұмысының қорытындысы бойынша жіберіледі.

Вы переходите на pkop.petrokazakhstan.kz

Перейти